ბენიამინ ნეთანიაჰუ ისრაელის პრემიერ-მინისტრის კაბინეტს უკვე მეხუთე ვადით დაიკავებს. ასეთი წინასწარი შედეგი აჩვენა ისრაელში გამართულმა საპარლამენტო არჩევნებმა, რაშიც ნეთანიაჰუს მეთოქემ და ისრაელის გენშტაბის ყოფილმა ხელმძღვანელმა, ბენი განცმა დამარცხება აღიარა.

Reuters-ის ინფორმაციით, უკვე ხმების 99 პროცენტია დათლილი, შედეგად, კოალიციური მთავრობა ჩამოყალიბდა და ნეთანიაჰუს კონსერვატიულ პარტიას ლიკუდს, მემარჯვენე და რელიგიურ პარტიებთან ერთად ქნესეთში 120-დან 65 მანდატი ექნება.

ნეთანიაჰუს არჩევნებში გამარჯვება უკვე მიულოცა აშშ-ს პრეზიდენტმა დონალდ ტრამპმა. იგი ტვიტერზე წერს, რომ ტრამპმა საპრეზიდენტო ავიახომალდიდან დაურეკა.

არჩევნების საბოლოო შედეგების გამოცხადების შემდეგ, თუკი ის ახალ სამთავრობო კოალიციას ჩამოაყალიბებს, ნეთანიაჰუ იქნება ისრაელის პრემიერი, რომელიც ყველაზე დიდხანს იკავებდა ამ თანამდებობას.

ნეთანიაჰუს მეტოქემ, ბენი განცის მოადგილემ, იარ ლაპიდმა BBC-სთან ინტერვიუში აღნიშნა, რომ შედეგების დახურვის შემდეგ ისინი, როგორც ოპოზიციური ძალა, მთავრობას "ცხოვრებას გაურთულებენ".