დაბალბიუჯეტიანი ავიაკომპანია Wizz Air-ს 8 ახალ მიმართულებაზე ოპერირების ნებართვა მიენიჭა. კომპანია საჰაერო მიმოსვლებს 2019 წლის ზაფხულის სანავიგაციო სეზონის განმავლობაში დაიწყებს.

რეისები ქუთაისიდან გდანსკის, ბარის, ეინდჰოვენის, კოპენჰაგენის, ბაზელის, ტალინის, ბრიუსელის და კრაკოვის მიმართულებით, შემდეგი განრიგით შესრულდება:

  • ქუთაისი-გდანსკი-ქუთაისი — 31 მარტიდან, კვირაში 2 სიხშირით, ყოველ სამშაბათს და შაბათს;
  • ქუთაისი-ბარი-ქუთაისი — 1 აგვისტოდან, კვირაში 2 სიხშირით, ყოველ ხუთშაბათს და კვირას;
  • ქუთაისი-ეინდჰოვენი-ქუთაისი — 1 აგვისტოდან, კვირაში 3 სიხშირით, ყოველ სამშაბათს, ხუთშაბათს და შაბათს;
  • ქუთაისი-კოპენჰაგენი-ქუთაისი — 2 აგვისტოდან, კვირაში 2 სიხშირით, ყოველ ორშაბათს და პარასკევს;
  • ქუთაისი-ბაზელი-ქუთაისი — 2 აგვისტოდან, კვირაში 2 სიხშირით, ყოველ ორშაბათს და პარასკევს;
  • ქუთაისი-ტალინი-ქუთაისი — 4 აგვისტოდან, კვირაში 2 სიხშირით, ყოველ ოთხშაბათს და კვირას;
  • ქუთაისი-ბრიუსელი-ქუთაისი — 4 აგვისტოდან, კვირაში 2 სიხშირით, ყოველ ოთხშაბათს და კვირას;
  • ქუთაისი-კრაკოვი-ქუთაისი — 4 აგვისტოდან, კვირაში 2 სიხშირით, ყოველ ოთხშაბათს და კვირას;

სამოქალაქო ავიაციის სააგენტოს ინფორმაციით, ფრენები Airbus A320 და A321 ტიპის საჰაერო ხომალდებით განხორციელდება.