პარტია თავისუფალი საქართველოს ორგანიზაციის თავმჯდომარის მოადგილემ გოგი წულაიამ ქუთაისის მერიის წინ ღამის ქოთნები და პამპერსები მიიტანა. ფაქტის ამსახველი ვიდეომასალა ქუთაისიპოსტმა გამოაქვეყნა.

გოგი წულაიას, თქმით ქუთაისის მერიამ პამპერსები და ღამის ქოთნები ტურისტებს უნდა დაურიგოს.

"ქალაქში ერთი ტუალეტი გახსნა უნდა შეგეძლოს მერს ქალაქის მართვაზე რომ გაქვს პრეტენზია. სხვათა შორის დამპირდნენ, რომ კალაძესაც გამოუგზავნიან და თბილისშიდაც მერიას მივუტან ასეთ ღამის ქოთნებს", — ამბობს გოგი წულაია.

წულაიას მერიის დაცვამ ღამის ქოთნების მერიაში შეტანის საშუალება არ მისცა.

ქუთაისიპოსტი წერს, რომ ქალაქში არსებული საზოგადოებრივი საპირფარეშოების ნაწილი პერიოდულად ფუნქციონირებს. მათ შორის, ცეტრალურ ბულვარსა და ავტომშენებლის ქუჩაზე, თუმცა, უმეტესწილად ისინიც დაკეტილია. ჯავახიშვილის ქუჩასა და წითელი ხიდის მიმდებარე ტერიტორიაზე მდებარე საპირფარეშოებს კი არასდროს უმუშავია.