საქართველოს პარლამენტის თავმჯდომარე ირაკლი კობახიძე ამბობს, რომ მის ყოფილ თანაგუნდელს "თანადგომა სჭირდება" და დახმარების "ხელი უნდა გაუწოდონ". ამის შესახებ მან კობახიძემ გასულ კვირას კომიტეტის სხდომაზე დაპირისპირებაზე საუბრის დროს განაცხადა.

"ის უნდა გამოვიდეს იმ მდგომარეობიდან რომელშიც არის. ის არის აღმოჩენილი რთულ მდგომარეობაში... მას აქვს თავისი პრიორიტეტები ცხოვრებაში, ეს არის ძალაუფლება და მან დაკარგა ეს მთავარი. აქედან გამომდინარე ემოციურ ფონზე ის აკეთებს არასწორ განცხადებებს", — განაცხადა კობახიძემ.

ეკა ბესელია ამბობს, რომ ირაკლი კობახიძემ თანამდებობის შესანარჩუნებლად, რომელიც, ფაქტობრივად, დაკარგული აქვს, ნაციონალური მოძრაობასა და ევროპულ საქართველოს გაუწოდა ხელი.

"მე დავასრულე ირაკლი კობახიძე, როგორც პარლამენტის თავმჯდომარე, დიდი ხანია და ეს მოხდა იმ სხდომაზე, სადაც ხელჩაკიდებული მოიყვანა პარტიის თავმჯდომარემ ჩემთან და მე არ მივიღე მისი ბოდიში... ვიდრე გადაწვავს ამ პარლამენტს იქნებ უშველოს მისმა პატრონმა და ბიძინა ივანიშვილმა ჩაჰკიდოს ხელი და სხვასთან მიიყვანოს და არა ჩემთან და ასე ხელჩაკიდებულებმა იარონ", — განაცხადა ბესელიამ.