ქუთაისის მატარებლის ვაგონი რელსებიდან გადავიდა. როგორც სადგურის უფროსის მოადგილე, ვახტანგ დავითულიანი ამბობს, მორიგემ ლიანდაგი არასწორად "გაამზადა", რის გამოც ვაგონი რელსებიდან გადავიდა. შემთხვევის შედეგად არავინ დაშავებულა.

"სპეციალური სამსახურია, მოვლენ და გაარკვევენ, რა თქმა უნდა, პასუხისმგებლობას ჩვენც დაგვაკისრებენ. მატერიალური ზარალი არაა", — აღნიშნა დავითულიანმა.

მისივე თქმით, მატარებელს მგზავრები ბათუმში გადაჰყავდა და მოთხოვნის შემთხვევაში, მგზავრებს ბილეთის საფასური აუნაზღაურდებათ.

On.ge შინაგან საქმეთა სამინისტროს დაუკავშირდა, სადაც უთხრეს, რომ მომხდართან დაკავშირებით შეტყობინება არ მიუღიათ.