"გამოვდივართ მშრომელი ქალებისთვის", "უმუშევარი ქალი არ არსებობს" — ამ ლოზუნგებით ქალების მხარდასაჭერად რუსთაველის მეტროსადგურიდან დედა ენის ბაღამდე მსვლელობა მოეწყო.

8 მარტს სოლიდარობის ქსელმა მხარდამჭერებთან ერთად მანიფესტი წაიკითხა, რომელიც მშრომელი ქალების უფლებების გაუმჯობესებას ეხებოდა. მანიფესტი სამუშაო ადგილებში არათანაბარ მდგომარეობას, აუნაზღაურებელ ზეგანაკვეთურ შრომას, დეკრეტულ შვებულებას და სხვა თემებს ეხებოდა.

სოლიდარობის ქსელის განცხადებით, ქალები სამსახურებში იჩაგრებიან, რადგან ზეგანაკვეთურად მუშაობენ და კაცებთან შედარებით არათანაბარ ხელფასს იღებენ.

"კანონით თუ კანონის დარღვევით ქალები მაინც ვიჩაგრებით. ჩვენი სამუშაო დღე არც სამსახურში და არც სახლში არასდროს მთავრდება".

ორგანიზაციამ თავისი მანიფესტით მხარი დაუჭირა სოფლად მცხოვრებ ქალებს, მარტოხელა დედებს, ემიგრანტ ქალებსა და ზოგადად ყველა მშრომელ ქალს.

ფოტო: გვანცა ნემსაძე / On.ge

ფოტო: გვანცა ნემსაძე / On.ge

ფოტო: გვანცა ნემსაძე / On.ge

ფოტო: გვანცა ნემსაძე / On.ge

ფოტო: გვანცა ნემსაძე / On.ge

ფოტო: გვანცა ნემსაძე / On.ge