პრემიერ-მინისტრმა მამუკა ბახტაძემ დღეს, 8 მარტის ბრიფინგზე ეროვნულ ბანკზე დადებით კონტექსტშ ისაუბრა და თქვა, რომ მარეგულირებლი დამოუკიდებელი და პროფესუიონალებით დაკომპლექტებული ინსტიტუტია.

"მარეგულირებლის გამართული მუშაობა გახლავთ თვალსაჩინო და მსურს რიგითი მოქალაქის პოზიციიდან, მადლობა გადავუხადო ეროვნულ ბანკს პროფესიული საქმიანობისთვის. ბანკმა თავისის აქმიანობის ფარგლებში მიიღო გადაწყვეტილება, ზედამხედველობის ნაწილში, რომელიც იყო შესაბამისი ძლიერი არგუმენტებით გამყარებული".

თიბისი ბანკის ერთ-ერთმა დამფუძნებელმა, მამუკა ხაზარაძემ ეროვნული ბანკის პრეზიდენტის, კობა გვენეტაძისა და მისი მოადგილის გადაყენებას პარლამენტის ტრიბუნიდან მოითხოვა. ამის შესახებ მან პარლამენტში კომიტეტის სხდომაზე განაცხადა.

"მე სრულ უნდობლობას ვუცხადებ ეროვნული ბანკის პრეზიდენტისა და მისი მოადგილის კომპეტენციას. მისი პასუხისმგებლობის საქმე უნდა დადგეს. და, ასევე, მოვითხოვ შეიქმნას სპეციალური კომისია, სადაც ყველა იმ წერილს და ნიუანსი გაგაცნობთ", — თქვა ხაზარაძემ.

4 მარტის სხდომაზე, სადაც თიბისის საქმე განიხილებოდა, მამუკა ხაზარაძემ განაცხადა, რომ ეროვნული ბანკის პრეზიდენტი და მისი მოადგილე აშანტაჟებდნენ:

"პირველი ჯარიმა მოვიდა 10 ათას ლარზე. მე მივედი და ვუთხარი, რომ არაფერს გადავიხდი და მერე გამომგზავნეს ახალი დეპარტამენტი და დაგვარიცხეს მილიონი. გამოაგზავნეს წერილი, რომლითაც თქვეს ან გადაგვაყენებდნენ, ან დაგვერიცხებოდა ჯარიმა".

მისივე თქმით, ეროვნულმა ბანკმა სამეთვალყურეო საბჭოს დატოვება მოსთხოვა. ხაზარაძე ამბობს, რომ ის არავის გადაუყენებია და თანამდებობა თავისი ნებით დატოვა, რათა "ბანკი არ ჩამოქცეულიყო".