ყოფილმა პრემიერმინისტრმა, ბიძინა ივანიშვილმა გადაცემაში - შეხვედრები რეგიონულ მედიასთან ჟურნალისტის შეკითხვას, ქართული ოცნების შემდეგ ვინ იქნებოდა ივანიშვილის მეორე არჩევანი, უპასუხა, რომ ადრე ასეთები რესპუბლიკელები იქნებოდნენ, თუმცა ახლა თავისუფალ დემოკრატებს ასახელებს.

ივანიშვილმა განმარტა, რომ ზემოაღნიშნულ ორ პარტიას პირველ რიგში იმიტომ მოიხსენიებს, რომ მათი დამოკიდებულება ქვეყნის კურსთან დაკავშირებით ეჭვს არ იწვევს. მან ასევე განმარტა ის მიზეზები, თუ რატომ ურჩევნია დღეს თავისუფალი დემოკრატები რესპუბლიკურ პარტიას:

"დემოკრატების ლიდერმა ალასანიამ ძალიან ბევრი შეცდომა დაუშვა და გუნდის სხვა წევრებმა, ნაცვლად იმისა, რომ მისი შეცდომები გამოესწორებინათ, მეგობრობას გადაჰყვნენ. ამ გუნდში ლიდერის ზედმეტი დომინანტობა შეიმჩნეოდა, რამაც ცუდად იმუშავა. ალასანიას შეცდომები გუნდა თავისუფლად გაიზიარა და მეგობრობას გადააყოლა. მე გუნდის წევრებიც მაწვდიდნენ ინფორმაციას და ალასანიას უფრო მეტი შეცდომების დაშვება შეეძლო, მაგრამ გუნდი აღარ გადაჰყვა მას, დაუდგა და შეცდომები აღარ დააშვებინეს".

ივანიშვილმა რესპუბლიკურ პარტიაზეც ისაუბრა:

"გაიხსენოს უსუფაშვილმა და რესპუბლიკელებმა მთლიანად: გარდა იმისა, რომ ის პარლამენტის თავდჯომარე გახდლათ, როდესაც შემეკითხა, რომ საკონსტიტუციო კომისია ყალიბდება და ჩემს თავდჯომარეობაზე რას იტყვიო, არც მიფიქრია, რომ სხვა კაცი შეიძლებოდა ყოფილიყო. 4 წელია ის ამ კომისიის თავდჯომარეა, ხმალაძესთან ერთად, რომელსაც მეც კარგად ვიცნობ, როგორც კარგ იურისტს და კონსტიტუციონალისტს. თითი თითზე არ დაუდიათ, აბა რა გააკეთეს ოთხი წლის განმავლობაში - არაფერი გაუკეთებიათ. ძალიან ბერვი კანონი იყო შესაცვლელი კონსტიტუციაში. მათ რიცხვში პრეზიდენტზე, რაზეც კოალიციაში უკვე შთანხმებული ვიყავით და რესპუბლიკელებთანაც რამდენჯერმე გვქონდა საუბარი. რაზეც ყველანი ვთანხმდებოდით, რომ საჯაროდ არჩევა პრეზიდენტის არ უნდა მომხდარიყო, რომელსაც ასეთი შეკვეცილი უფლებები აქვს. ".

შეხვედრები რეგიონულ მედიასთან - ასე ჰქვია ტელეკომპანია GDS-ის ახალ საარჩევნო პროექტს, რომელშიც ყოფილი პრემიერმინისტრი, ბიძინა ივანიშვილი მონაწილეობს. გადაცემას 20:30-ის ჟურნალისტები ნათია თოიძე და მიხეილ ფეიქრიშვილი უძღვებიან.