პატრიოტთა ალიანსის დეპუტატის, ემზარ კვიციანის ინფორმაციით, მისი ინიციატივით დაარსებულ წყვილების დახმარების ცენტრში საპარლამენტო უმრავლესობის წევრმა, ისკო დასენმა 500 ლარი ჩარიცხა. ინფორმაცია ისკო დასენმა On.ge-ს დაუდასტურა. მისი თქმით, ფული ქველმოქმედების მიზნით გადარიცხა.

კვიციანის გამოქვეყნებული ქვითრების მიხედვით, ცენტრში 1 043 ლარი შეგროვდა. 500-500 ლარი ქართული ოცნების დეპუტატებმა, ისკო დასენმა და თამაზ ნავერიანმა, ხოლო 43 ლარი თავად ემზარ კვიციანმა ჩარიცხა.

2019 წლის 18 თებერვალს პატრიოტთა ალიანსის წევრის, ემზარ კვიციანის ინიციატივით, საჯარო რეესტრმა ორგანიზაცია ქართული ემიგრაციის, დემოგრაფიული და ეკონომიკური ცენტრი დაარეგისტრირა. კვიციანის ინფორმაციით, ცენტრი ახალდაქორწინებულ წყვილებს დაეხმარება, რომლებიც მთაში გადავლენ საცხოვრებლად.

ამავე თემაზე: