პარტია ქართული ოცნების წევრი ნუკრი ქანთარია ირაკლი ღარიბაშვილის პოლიტიკაში დაბრუნებას მიესალმება. ის ფიქრობს, რომ ღარიბაშვილი შეძლებს დააბრუნოს გუნდში ის სულისკვეთება, რომელიც იყო "თორმეტიანელებში".

"თავად ირაკლი წავიდა, როგორც ოქროს სათადარიგო, როგორც ამბობენ, და ის უბრუნდება გუნდს. ესაა ცვლილება, რომლითაც ალბათ იწყება დიდი ცვლილებები", — განაცხადა ნუკრი ქანთარიამ.

დეპუტატი ფიქრობს, რომ ირაკლი ღარიბაშვილი პოლიტიკურ მდივნად არ დარჩება, თუმცა ეს მომავლის საქმეა.

საქართველოს ყოფილი პრემიერ-მინისტრი ირაკლი ღარიბაშვილი პოლიტიკაში დაბრუნდა. მან პარტია ქართულ ოცნებაში პოლიტიკური მდივნის პოსტი დაიკავა. ის პარტიის პოლიტსაბჭოს წევრიც იქნება. ქართული ოცნების პოლიტსაბჭომ მისი დაბრუნების საკითხზე დღეს, 5 მარტს იმსჯელა. სხდომას ბიძინა ივანიშვილი უძღვებოდა.