რუსთავი 2-ის საკასაციო სარჩელის დასაშვებობაზე, უზენაესი სასამართლო გადაწყვეტილებას დღეს, 9 სექტემბერს, 19:00 საათზე გამოაცხადებს. ამის შესახებ სასამართლომ განცხადება გაავრცელა.

განცხადებაში წერია, რომ საქმის განმხილველი მოსამართლეები ეკატერინე გასიტაშვილი, პაატა ქათამაძე, და ბესარიონ ალავიძე, არ ადასტურებენ ზეწოლის შესახებ გავრცელებულ ინფორმაციას.

ტელეკომპანია რუსთავი 2-ის გენერალურმა დირექტორმა ნიკა გვარამიამ 8 სექტემბერს გამართულ ბრიფინგზე განაცხადა, რომ რუსთავი 2-ის საქმის განმხილველი მოსამართლეები საკუთარ პოზიციაში ჩამოყალიბებულები არიან, თუმცა მათზე ზეწოლა მიმდინარეობს.