ქართული ოცნების ყოფილი წევრები ეკა ბესელია და ლევან გოგიჩაიშვილი იურიდიულ საკითხთა კომიტეტში ვეღარ იქნებიან. როგორც On.ge-ს კომიტეტის აპარატში განუცხადეს, დეპუტატები კომიტეტში ფრაქციის კვოტით იყვნენ, ხოლო ფრაქციის დატოვებისას ავტომატურად კომიტეტიც დატოვეს.

რაც შეეხება კომიტეტში დამოუკიდებელ წევრად დარჩენას, აპარატში განმარტეს, რომ დამოუკიდებელი დეპუტატისთვის მხოლოდ ერთი კვოტაა და ის ნატო ჩხეიძეს უკავია. გარდა ამისა, ეკა ბესელიას ნდობის ჯგუფის დატოვება მოუწევს, რადგან იქ უმრავლესობის კვოტით იყო. ბესელიამ ახალი ფრაქციის შესაქმნელად კონსულტაციები უკვე დაიწყო.

ქართული ოცნება - დემოკრატიული საქართველოს ლიდერი, მამუკა მდინარაძე ჯერ ვერ ამბობს იურიდიულ საკითხთა კომიტეტში ვინ დაიკავებს ყოფილი თანაპარტიელების ადგილს.

მმართველ გუნდში დაპირისპირების გამო საპარლამენტო უმრავლესობა დეპუტატმა უკვე დატოვა ეკა ბესელიამ, ლევან გოგიჩაიშვილმა, გედევან ფოფხაძემ და ბექა ნაცვლიშვილმა. გარდა ამისა, გია ჟორჟოლიანი არ გამორიცხავს, რომ სოციალ-დემოკრატებმა უმრავლესობა დატოვონ.