პარლამენტის ვიცე-სპიკერი, თამარ ჩუგოშვილი ამბობს, რომ იუსტიციის უმაღლეს საბჭოში ნაზი ჯანეზაშვილი მისი რეკომენდაციით მოხვდა და მისი როლის შესახებ მისთვის ცნობილია. ამის შესახებ მან დღეს, 22 თებერვალს განაცხადა.

"მე ახსნა და დასაბუთება არ მჭირდება ნაზი ჯანეზაშვილის როლთან დაკავშირებით. ყველაზე კარგად მესმის მისი იქ ყოფნის მნიშვნელობა", — თქვა ჩუგოშვილმა.

ჩუგოშვილის ინიციატივა იყო, რომ თუ იუსტიციის უმაღლესი საბჭოს წევრები გააგრძელებენ მოსამართლეობის კანდიდატების უვადოდ დანიშვნას, მაშინ პარლამენტის მიერ წარდგენილი ხუთივე კანდიდატი გამოეთხოვათ. ჟურნალისტებმა მას სწორედ ამ საკითხთან დაკავშირებით ჰკითხეს. საბჭოში პარლამენტში არამოსამართლე წევრად ნაზი ჯანეზაშვილი წარადგინა, რომელსაც მიაჩნია, რომ სისტემაში ე.წ. ჩინჩალაძე-მურუსიძის კლანი მუშაობს.