პროკურატურის ინფორმაციით, ყაჩაღობაში ბრალდებულ ორ პირს 9-9 წლით თავისუფლების აღკვეთა მიესაჯათ. უწყების განმარტებით, ისინი ცეცხლსასროლი იარაღით თავს დაესხნენ შპს იკა-ტურიზმის თანამშრომელს და სიცოცხლისთვის საშიში ძალადობის მუქარით ფირმის კუთვნილ 8 850 აშშ დოლარს და 2 050 თურქულ ლირას დაეუფლნენ.

უწყებაში ამბობენ, რომ შემთხვევა 2018 წლის 14 მაისს მოხდა. მათი თქმით, სამართალდამცველებმა ბრალდებულები 2018 წლის 19 მაისს ქუთაისში დააკავეს.

დაკავებულებს ბრალდება საქართველოს სისხლის სამართლის კოდექსის 179-ე მუხლის მეორე ნაწილის "ბ", მესამე ნაწილის "გ" ქვეპუნქტებით (ყაჩაღობა, ჩადენილი ჯგუფურად) და 236-ე მუხლის მე-3 ნაწილით (ცეცხლსასროლი იარაღის და საბრძოლო მასალის მართლსაწინააღმდეგო ტარება) ჰქონდათ წარდგენილი.