განათლების მინისტრი, მიხეილ ბატიაშვილი ამბობს, რომ მიმდინარეობს მუშაობა, რათა ე.წ. უფასო ფაკულტეტები გაუქმდეს. ამის შესახებ მინისტრმა პარლამენტში განაცხადა.

"ყველაფერს გავაკეთებთ, რომ მომავალი წლიდან უფასო ფაკულტეტები აღარ იყოს", — თქვა მინისტრმა და დასძინა, რომ ეს საკითხი პრობლემაა და უნდა გამოსწორდეს.

მინისტრმა განმარტა, რომ ვაუჩერული სისტემა დარჩება და მასთან ერთად, ახალი მოდელი ამოქმედდება.

"მოხდება ახალ მოდელზე გადასვლა, რომლის მიხედვით, ის რესურსი, რომელიც უნივერსიტეტებში უფასო ფაკულტეტების მიმართულებით მიედინებოდა, გადანაწილდება იმ შეფასებით მაჩვენებლებზე, რომელიც ჩამოყალიბდება, რის მიხედვით მოხდეს უნივერსიტეტების სტიმულირება", — თქვა ბატიაშვილმა.