თუ გახსოვთ ბენქსის ნახატი, გოგო ბუშტით, ალბათ გეცოდინებათ მისი ისტორიაც. ოქტომბრის დასაწყისში, სოთბის აუქციონზე გატანილმა ნახატმა, დამსწრეების წინაშე მოულოდნელად თავი გაინადგურა.

ამის შემდეგ, ნახატის ადაპტაცია 1,12 მილიონ დოლარად გაიყიდა და მას უკვე ახალი სახელიც აქვს "სიყვარული სანაგვეშია".

გერმანული მუზეუმში, სადაც ბენქსის ნამუშევარია გამოფენილი, მის ჩარჩოში მოთავსებული შრედერის გამორთვა განიზრაზეს.

როგორც გერმანიის ქალაქ ბადენ-ბადენში მდებარე ფრიდერ ბურდას მუზეუმში ამბობენ, ამის მიზეზი ბენქსის ვიდეო იყო, სადაც ანონიმური ხელოვანი ამბობდა, რომ მის შექმნილ მექანიზმს მთლიანი ტილო უნდა გაენადგურებინა და არა მხოლოდ მისი ორი მესამედი.

მუზეუმში აცხადებენ, რომ მათ ნახატის დარჩენილი ნაწილის გადარჩენა სურდათ, თუმცა, როცა ჩარჩო გახსნეს, თვითგანადგურების მექანიზმი გამორთული დახვდათ.

ჟურნალისტებისა და ფოტოგრაფების წინაშე, მუზეუმის თანამშრომლებმა, რომლებსაც თეთრი ხელთათმანები ეკეთათ, მექანიზმი ტილოსგან განაცალკევეს და მხოლოდ ამის შემდეგ გამოფინეს ნახატი კედელზე.