დღეს საქართველოს პრემიერ მინისტრ გიორგი კვირიკაშვილსა და შვეიცარიის კონფედერაციის ეროვნული საბჭოს თავმჯდომარე კრისტა მარკვალდერს შორის შეხვედრა შედგა. მარკვალდერი ოფიციალური ვიზიტით თბილისში იმყოფება.

მთავრობის პრესსამსახურის ინფორმაციით, შეხვედრაზე ისაუბრეს სავაჭრო-ეკონომიკური თანამშრომლობის საკითხებზე და ტურიზმის სფეროში თანამშრომლობის გაღრმავებისა და ინვესტიციების ზრდის პერსპექტივაზე.

ქართულმა მხარემ აღნიშნა შვეიცარიის განვითარებისა და თანამშრომლობის სააგენტოს (SDC) მხარდაჭერის როლი საქართველოს მთიანი რეგიონის განვითარებაში.

შეხვედრას ასევე ესწრებოდნენ:

  • ლუკას ბეგლინგერი - სრულუფლებიანი ელჩი საქართველოში;
  • ტომას აესკი - შვეიცარიის კონფედერაციის ეროვნული საბჭოს წევრი, ევროკავშირისა და ევროპის თავისუფალი ვაჭრობის ასოციაციის საპარლამენტო დელეგაციის პრეზიდენტი;
  • კლაუდიო ფიშერი - შვეიცარიის პარლამენტის საერთაშორისო ურთიერთობების სამსახურის უფროსი;
  • მანანა კობახიძე - პარლამენტის თავმჯდომარის პირველი მოადგილე;
  • ირაკლი ყურაშვილი - საქართველოს საგანგებო და სრულუფლებიანი ელჩი შვეიცარიაში;
  • დავით ზალკალიანი - საგარეო საქმეთა მინისტრის პირველი მოადგილე;

მხარეებმა განიხილეს ასევე საქართველოსა და ევროპის თავისუფალი ვაჭრობის ასოციაციას (EFTA) შორის თავისუფალი ვაჭრობის შესახებ დადებული ხელშეკრულების მნიშვნელობაც, რომელსაც შვეიცარიაში საქართველოს პრემიერ-მინისტრის ოფიციალური ვიზიტისას მოეწერა ხელი.