ბრიტანეთის პარლამენტის დეპუტატებმა მხარი დაუჭირეს ე.წ. ალტერნატიულ შეთანხმებას, რომელიც ტერეზა მეის ბრექსიტის გეგმაში ცვლილების შეტანას გულისხმობს. ინიციატივამ, რომელიც პარლამენტის დეპუტატებს გრაჰამ ბრედიმ წარუდგინა, 16 ხმა მოიპოვა.

ტერეზა მეი გეგმავს დაბრუნდეს ბრიუსელში და დაიწყოს მოლაპარაკებები საზღვრების კონტროლთან დაკავშირებით, ის შეეცდება ცვლილებები შეიტანოს ე.წ. ბრექსიტის შეთანხმებაშიც.

ევროკავშირში განაცხადეს, რომ ბრიტანეთის პრემიერ-მინისტრთან შეთანხმებულ სამართლებრივ ტექსტს არ შეცვლიან. ევროპული საბჭოს პრეზიდენტმა დონალდ თქვა, რომ "ევროკავშირი არ არის ღია ხელახალი მოლაპარაკებებისთვის".

ტერეზა მეის თქმით, პარლამენტში ახლა უფრო მეტი ადამიანი უჭერს მხარს ბრექსიტის შეთანხმებას, თუმცა მოლაპარაკებების დაწყებაზე დათანხმება მარტივი არ იქნება.

დიდი ბრიტანეთის პარლამენტმა პრემიერ-მინისტრ ტერეზა მეის ბრექსიტის გეგმას, რომელიც ევროკავშირთან იყო შეთანხმებული, მხარი არ დაუჭირა. გეგმის წინააღმდეგ 432-მა დეპუტატმა მისცა ხმა, მხარი კი 202-მა დაუჭირა.

ე.წ. მკაცრი ბრექსიტის მომხრეები ტერეზა მეის გეგმას აკრიტიკებენ, რადგან მიაჩნიათ, რომ ქვეყანაში ევროკავშირი დიდ გავლენას შეინარჩუნებს. შეთანხმების წინააღმდეგ გამოდიან ისინიც, ვინც ახალი რეფერენდუმის ჩატარებას ითხოვს.

მეის შეთანხმება უკმაყოფილებას იწვევს როგორც ევროსკეპტიკოსებში, ისე ბრექსიტის მხარდამჭერებში. გეგმის მოწინააღმდეგეები ამბობენ, რომ მსგავსი გეგმით დიდი ბრიტანეთი დაზარალდება და ევროკავშირის გავლენა ქვეყანაში შენარჩუნდება.

განსაკუთრებული უკმაყოფილება კი გამოიწვია შეთანხმება ირლანდიასა და ჩრდილოეთ ირლანდიას საზღვრებს შორის. ირლანდია ერთადრთი ქვეყანაა, რომელთანაც ბრიტანეთს სახმელეთი საზღვარი აქვს. მეისა და ევროკავშირს მიაჩნია, რომ საზღვარი ნომინალური უნდა იყოს, სასაზღვრო პუნქტებისა და პასპორტის კონტროლის გარეშე, რასაც კატეგორიულად ეწინააღმდეგებიან "მკაცრი ბრექსიტის" მომხრეები.

დიდმა ბრიტანეთმა ევროკავშირი ფორმალურად 2019 წლის 29 მარტს უნდა დატოვოს, რის შემდეგაც სამწლიანი გარდამავალი პერიოდი დაიწყება. პარლამენტის კენჭისყრის შემდეგ უცნობია როგორ განვითარდება ბრექსიტისა და დიდი ბრიტანეთის ბედი.

ევროკავშირმა ერთობლივ განცხადებაში მოუწოდა დიდი ბრიტანეთის მთავრობას, რომ რაც შეიძლება მალე გააჟღეროს სამოქმედო გეგმა. მათივე თქმით, ისინი მზად არიან ნებისმიერი სცენარისთვის, მათ შორის ბრექსიტზე შეთანხმების გარეშე.

ამავე თემაზე: რა ღირს ბრექსიტი

ყველაფერი, რაც ბრექსიტიზე უნდა იცოდეთ