საქართველოს შინაგან საქმეთა სამინისტრომ, თავდაცვის სამინისტროს კომპანიამ და სხვა სახელმწიფო უწყებებმა შესაძლოა, 1 024 800 ლარის თაფლი რუსეთიდან იყიდოს. სულ 73,2 ტონა თაფლის ყიდვაა დაგეგმილი, ერთი კილოს ღირებულება 14 ლარი იქნება.

თაფლის ყიდვას გეგმავენ:

  • შსს — 25 ტონა;
  • შსს-ს სასაზღვრო პოლიცია — 14,6 ტონა;
  • შსს-ს სტრატეგიული მილსადენების დაცვის დეპარტამენტი — 3 ტონა;
  • საქართველოს სახელმწიფო დაცვის სპეციალური სამსახური — 0,6 ტონა;
  • თავდაცვის სამინისტროს შპს სახელმწიფო კვებითი უზრუნველყოფა — 30 ტონა.

კონსოლიდირებული ტენდერში გამარჯვებისთვის კომპანია შპს ვ.ტ.-მ სამხარაულის ექსპერტიზის ბიუროს დასკვნა უნდა წარადგინოს. შპს ვ.ტ. თავისმხრივ თაფლს შპს აპიდეისგან შეისყიდის.

შესწორება: მასალის თავდაპირველ ვერსიაში აღნიშნული იყო, რომ "შსს-მ შესაძლოა, 73,2 ტონა თაფლი იყიდოს", რაც დაზუსტდა.