ბიძინა ივანიშვილი გურიის რეგიონულ მედიასთან შეხვედრისას გოგა ხაინდრავას ფილმ "ჰეროკრატიის" შესახებ აცხადებს, რომ გადაღება მისი იდეა იყო. ფილმის შესახებ იდეა 2 წლის წინ დაებადა და სურდა, მისთვის "9+1" უნდოდა დაერქმია, თუმცა ხაინდრავამ სახელი შეცვალა.

ივანიშვილის განმარტებით ფილმის ჩვენება არჩევნებს შემთხვევით დაემთხვა, რადგან მის გადაღებას და მომზადებას დიდი დრო დასჭირდა:

"კარგი იქნებოდა ადრეც რომ ყოფილიყო, რამეთუ არჩევნების ჩატარებაში მახსოვრობას აღგვიდგენს, რომ ხალხმა სწორი არჩევანი გააკეთოს".

ყოფილი რემიერი აცხადებს, რომ ფილმი საზოგადოებაში აგრესიას არ გამოიწვევს და ნაციონალურ მოძრაობას პასუხს არავინ აგებინებს, რადგან დაჩაგრული საზოგადოება საშიში არაა და საფრთხე სწორედ ნაციონალებისგან მოდის.

"შეხვედრები რეგიონულ მედიასთან", - ასე ჰქვია ტელეკომპანია GDS-ის ახალ საარჩევნო პროექტს, რომელშიც ყოფილი პრემიერ-მინისტრი ბიძინა ივანიშვილი მონაწილეობს.

გადაცემას 2030-ის ჟურნალისტები ნათია თოიძე და მიხეილ ფეიქრიშვილი უძღვებიან. პროექტის პირველი გადაცემა 1 სექტემბერს, 12:00 საათზე აჭარიდან გავიდა GDS-ის პირდაპირ ეთერში.

ყოფილი პრემიერი პირველად აჭარის რეგიონის ჟურნალისტებს შეხვდა, ამჯერად ის გურიის მედიასთან მართავს შეხვედრას.