NDI-ს კვლევის მიხედვით, მოსახლეობის 43 პროცენტს მიაჩნია, რომ ბოლო ათი წლის განმავლობაში საქართველოში კრიმინალური მდგომარეობა გაუარესდა. 18 პროცენტი ფიქრობს, რომ მდგომარეობა გაუმჯობესდა, ხოლო 32 პროცენტს მიაჩნია, რომ მდგომარეობა არ გაუარესებულა, 7 პროცენტმა კი არ იცის.

კვლევის თანახმად, მოსახლეობის 67 პროცენტი პოლიციის მუშაობას კარგად აფასებს, ხოლო 21 პროცენტი მიიჩნევს, რომ პოლიცია ცუდად მუშაობს. ამასთანავე, ბოლო ორი წლის განმავლობაში გამოკითხულთაგან მხოლოდ 5-მა პროცენტმა მიმართა პოლიციას.

ფოტო: NDI

ამავე კვლევი მიხედვით, მოსახლეობის 25 პროცენტს მიაჩნია, რომ საქართველოში ყველაზე ხშირი ნარკოდანაშაულია. მოსახლეობის აზრით, ყველაზე ნაკლებად ფიზიკური შეურაცხყოფა, სექსუალური ძალადობა/შევიწროება, უკანონო მიგრაცია და კიბერდანაშაული ხდება.

NDI-იმ საზოგადოებრივი აზრის ახალი კვლევა გამოაქვეყნა. საველე სამუშაოების თარიღები 2018 წლის 6-20 დეკემბრით თარიღდება. ჩატარდა 2 205 დასრულებული ინტერვიუ. საშუალო ცდომილების ზღვარი +/- 2,1 პროცენტია.