თბილისის მერის, კახა კალაძის თქმით, თბილისში განისაზღვრება დამატებითი ქუჩები, სადაც სამარშრუტო ტაქსები მხოლოდ განსაზღვრულ გაჩერებებზე გააჩერებენ. საპილოტე პროექტის ფარგლებში 2018 წლიდან მიკროავტობუსები 14 ქუჩაზე მხოლოდ გაჩერებებზე აჩერებდნენ.

როგორც მერმა მთავრობის სხდომაზე თქვა, აღნიშნული პროექტი წარმატებულია და მან თავის მოადგილეს, მაია ბითაძეს დამატებითი ქუჩების განსაზღვრა დაავალა. ამჟამად წესი მოქმედებს შემდეგ ქუჩებზე:

  • ვაჟა-ფშაველას;
  • შოთა რუსთაველის;
  • ალექსანდრე ყაზბეგის;
  • დავით აღმაშენებლის;
  • ილია ჭავჭავაძის;
  • მარშალ გელოვანის გამზირზე;
  • მერაბ კოსტავას;
  • პეტრე მელიქიშვილის;
  • ვახტანგ გორგასლის;
  • ჟიული შარტავას;
  • პეკინის;
  • ჯორჯ ბუშის ქუჩებზე;
  • დავით აღმაშენებლის ხეივანზე;
  • კახეთის გზატკეცილზე.