ევროკავშირის წევრ სახელმწიფოებში მცხოვრებ 15 ათას ახალგაზრდას ევროპაში სამოგზაუროდ ბილეთები გადაეცათ. ევროკომისიის პროექტის "აღმოაჩინე ევროპის" ფარგლებში ისინი 30 დღის განმავლობაში ევროკავშირის ნებისმიერ ქვეყანაში იმოგზაურებენ. ჯგუფებით ან ინდივიდუალურად , სურვილის შესაბამისად.

ტრანპორტის ფორმად ევროკომისიას მატარებლები და ავტობუსები აქვს შერჩეული. ევროკომისიაში ამბობენ, რომ ახალგაზრდებს თვითმფრინავებით სარგებლობა მხოლოდ გამოუვალ სიტუაციებში შეუძლიათ. მათი განმარტებით, ამის მიზანი ის არის, რომ მოგზაურებმა მაქსიმალურად მეტი ქალაქის ნახვა შეძლონ და ევროპის ხედებით დატკბენ.

გამარჯვებულების შესარჩევად 2018 წელს პროექტის ორი ტური გაიმართა, რომელშიც ჯამში 80 ათასმა ადამიანმა მიიღო მონაწილეობა.