საქართველოს საგარეო საქმეთა სამინისტრო აცხადებს, რომ საერთაშორისო თანამეგობრობის მსგავსად, არ ცნობს ვენესუალის პრეზიდენტის, ნიკოლას მადუროს ახალი მანდატის ლეგიტიმურობას. უწყების განცხადებით, არჩევნები არათანაბარ და არადემოკრატიულ გარემოში ჩატარდა.

"ამ კონტექსტში, საქართველო უერთდება საერთაშორისო თანამეგობრობის მოწოდებას ვენესუელის მთავრობის მიმართ, დაიცვას კანონის უზენაესობა და აღიაროს ლეგიტიმურად არჩეული ეროვნული ასამბლეის მანდატი", — ნათქვამია განცხადებაში.

საგარეო უწყება გამოეხმაურა საქართველოს ოკუპირებული ტერიტორიების დე ფაქტო წარმომადგენლების ინაუგურაციაზე დასწრებასაც. მათი თქმით, ის სახელმწიფოები, რომლებიც რაიმე ტიპის კონტაქტს ამყარებენ საქართველოს ოკუპირებულ ტერიტორიებზე არსებულ უკანონო რეჟიმებთან, უხეშად არღვევენ საერთაშორისო სამართლის ფუნდამენტურ ნორმებსა და პრინციპებს.

"ამ ფონზე სოხუმსა და ცხინვალში რუსეთის საოკუპაციო რეჟიმების ლიდერების მონაწილეობა "ინაუგურაციის" ცერემონიაში ემსახურება ერთადერთ ამოცანას, მოხდეს აფხაზეთისა და ცხინვალის რეგიონებში მიმდინარე ოკუპაციისა და იქ განხორციელებული ეთნიკური წმენდის ლეგიტიმაცია, ოკუპირებული ტერიტორიების ე.წ. დამოუკიდებლობის წარმოჩენის გზით", —