ქალებმა სამხრეთ ინდოეთის შტატ კერალაში გენდერული თანასწორობის მხარდასაჭერად 620-კილომეტრიანი ცოცხალი ჯაჭვი გააკეთეს. ისინი გენდერულ თანასწორობასა და ინდოეთის მთავარ ტაძარში ქალებისთვის შესვლის უფლებას ითხოვენ.

ინდოეთის მთავარ ტაძარში საბარიმალა შრაინიში ისტორიულად არ უშვებენ ქალებს, რომლებსაც მენსტრუალური ასაკი აქვთ. ეს ასაკი 10-დამ 50 წლამდეა განსაზღვრული. ინდოეთის მთავარმა სასამართლომ ეს აკრძალვა სექტემბრის თვეში გააუქმა, თუმცა ამ აკრძალვის მოწინააღმდეგეები ტაძარში მისულ ქალ ვიზიტორებს თავს ესხმიან.

ქალების ცოცხალ კედელს ორგანიზება მთავრობის მემარცხენე ფრთამ გაუწია. BBC-ის ცნობით, დაახლოებით 5 მილიონი ქალი კერალას შტატის სხვადასხვა ადგილიდან მთავარ გამზირზე შეიკრიბა. მათ გააკეთეს ჯაჭვი ჩრდილოეთ კასარაგოდან სამხრეთ თირუვანთაფურამდე.

ფოტო: CV LENIN

"საბარიმალა არ არის მთავარი პრობლემა დღეს. ჩვენ გვჯერა გენდერული თანასწორობის", — განაცხადა აქციის ერთ-ერთმა მონაწილემ.