საქართველოს პრეზიდენტმა სალომე ზურაბიშვილმა მსჯავრდებულთა შეწყალების შესახებ მისი პირველი აქტი გამოსცა. ამის შესახებ ინფორმაცია საქართველოს პრეზიდენტის ადმინისტრაციამ გაავრცელა.

უწყების ცნობით, საქართველოს პრეზიდენტის მიერ შეწყალებულთაგან სამივე ქალია. მათ შორის, ერთი ორსულადაა, მეორე მცირეწლოვანი ბავშვის დედაა, ხოლო მესამე სამი შვილის დედაა.

სამივე მსჯავრდებული ქალი პენიტენციურ დაწესებულებას დღესვე დატოვებს.

ადმინისტრაციის ცნობით, საქართველოს პრეზიდენტი შეწყალების საკითხთა კომისიასთან დაკავშირებით მომდევნო ეტაპზე გეგმავს შესაბამისი პროცედურების გავლით კომისია ახალი წევრებით დაკომპლექტდეს.