კანადელმა თინეიჯერმა, კარი კარბერმა როკ-ჯგუფის, Three Days Grace-ის კონცერტზე ყრუ მამა წაიყვანა და საყვარელი სიმღერის ტექსტი ჟესტურ ენაზე აუხსნა.

ვიდეო, რომელშიც კარი მამას უმღერის და შემდეგ ისინი ერთად ცეკვავენ, კონცერტზე დამსწრემ გადაიღო და ფეისბუქზე ატვირთა. 32-წამიან ვიდეოს 16 მილიონი ნახვა აქვს და ეს რიცხვი იზრდება.

"გუშინ ღამით გამართულ კონცერტზე ჩვენ აბსოლუტურად საოცარი და მშვენიერი რამის მომსწრენი გავხდით. ჩვენ სცენის ნაცვლად ამ საოცარ ადამიანებს ვუყურებდით", - დაწერა მან.

დერინ კარბერი 53 წლისაა. ის დაბადებიდანვე ყრუ იყო, თუმცა, მისი შვილის თქმით, ცალ ყურში მოსასმენ აპარატურას ატარებს, რომელიც მას ხმის მცირედით აღქმაში ეხმარება.

კარის სიტყვებით, მან შეამჩნია, რომ ვიდეოებს უღებდნენ, თუმცა, ამით არ შეწუხებულა და მამასთან ერთად გართობა განაგრძო. თინეიჯერის თქმით, აღნიშნული ბენდი მას პირველად სწორედ მამამ გააცნო და როცა შეიტყო, რომ ჯგუფი ედმონტონში კონცერტს მართავდა, გაყოლა სწორედ მას სთხოვა.

გოგონამ მისი და მამის ვიდეო ფეისბუქზე ატვირთვიდან სამი დღის შემდეგ აღმოაჩინა და ამის შემდეგ, უამრავი პოზიტიური მესიჯი და კომენტარი მიიღო. კარის თქმით, ის და მამა სამომავლოდ მეტალიკის კონცერტზე წასვლას გეგმავენ.