8 დეკემბერს, 11:00 საათზე, ილიას სახელმწიფო უნივერსიტეტის B201 აუდიტორიაში პირველი ეროვნული ფესტივალი "მეცნიერება მთავარ როლში" გაიმართება. ფესტივალი ევროპული საბუნებისმეტყველო მასწავლებელთა ქსელის "Science on Stage"-ის ეგიდით პედაგოგებისა და განათლების სპეციალისტებისთვის ტარდება.

მისი ორგანიზატორია ილიას სახელმწიფო უნივერსიტეტის საბუნებისმეტყველო განათლების კვლევითი ცენტრი SALiS, რომელიც "Science on Stage"-ის ოფიციალური წარმომადგენელია საქართველოში.

ფესტივალის დევიზია "მასწავლებლები მასწავლებლებისთვის". საუკეთესო პროექტის წარმდგენი ოთხი მასწავლებელი საქართველოს სახელით „Science on Stage“-ის საერთაშორისო ფესტივალში მიიღებს მონაწილეობას, რომელიც 2019 წელს პორტუგალიაში გაიმართება.

ფესტივალზე დასწრება ნებისმიერი მსურველისთვის თავისუფალია.