საქართველოს პრეზიდენტი, გიორგი მარგველაშვილი ამბობს, რომ მმართველობის პერიოდში მოქმედი და ყოფილი სახელისუფლებო პარტიების მიზანი იყო სხვა, შემდგარი პოლიტიკური პარტიები არ გაძლიერებულიყვნენ. ამის შესახებ მარგველაშვილმა საპრეზიდენტო არჩევნების მეორე ტურამდე რამდენიმე საათით ადრე, 27 ნოემბერს TV პირველის ეთერში განაცხადა.

"პრინციპული პოზიცია იყო, რომ ეს პარტიები 2016 წელს არ გაძლიერებულიყვნენ იმიტომ, რომ იყო კლიშე, როგორ ქართული ოცნება უყურებდა იყო შემდეგი: ყველა, ვინც მე გუნდრუკს არ მიკმევს; ყველა, ვინც არ არის აღტაცებული იმით, რასაც მე ვამბობ ყველ არის მტერი, ყველა არის ნაცი, შუა უნდა გაიკრიფოს. ანუ საზოგადოებას არ მიეცა შესაძლებლობა მესამე ცენტრი შექმნილიყო. შედეგი იხილეს დაახლოებით ერთი თვის წინ", — ამბობს პრეზიდენტი.

ხვალ, 28 ნოემბერს საქართველოში საპრეზიდენტო არჩევნები ტარდება. მოსახლეობას პრეზიდენტის არჩევა ნაციონალური მოძრაობისა და ქართული ოცნების მხარდაჭერილ კანდიდატებს შორის მოუწევს.

ამავე თემაზე: