კალიფორნიაში მასშტაბური ტყის ხანძრის შედეგად, ბოლო მონაცემებით, სულ მცირე, 42 ადამიანი გარდაიცვალა, 228 მაცხოვრებელზე მეტი კი დაკარგულია. ინფორმაციას BBC ავრცელებს.

შემთხვევის გამო 300 ათასზე მეტ ადამიანს საცხოვრებელი სახლის დატოვება მოუწია. კალიფორნიის ისტორიაში ყველაზე დიდი მსხვერპლი ამ ხანძარს მოჰყვა, ამასთან, დაახლოებით 7,2 ათასი შენობა განადგურდა, 15,5 ათასი კი რისკის ქვეშაა.

შტატის სამხრეთს მეორე ხანძარიც უტევს, რომლის შედეგადაც ამ დრომდე ორი ადამიანი გარდაიცვალა, საზღვაო კურორტებს კი ზარალი მიადგა. მათ შორისაა კურორტი მალიბუც.

ტყის ხანძარი ჩრდილოეთ კალიფორნიაში ხუთშაბათს, 8 ნოემბერს გავრცელდა. ცეცხლი ძლიერი ქარის საშუალებით გავრცელდა და მშრალ ტყეს მოედო. შტატში ხალხის ევაკუაცია მალევე დაიწყო.