საქართველოს პარლამენტის დეპუტატი უმრავლესობიდან, ლევან კობერიძე ლუსტრაციის კანონის ინიცირებას აპირებს. ამის შესახებ ინფორმაცია ფეისბუქზე გაავრცელა.

"იმისათვის, რომ საქართველოს პოლიტიკურ ცხოვრებაში საბოლოოდ დავემშვიდობოთ საბჭოთა წარსულს; იმისათვის, რომ დაერქვას ყველაფერს თავისი სახელი; იმისათვის, რომ მომავალ თაობებმა შეძლონ უკეთესი საქართველო შენება; იმისათვის, რომ ქვეყანამ იაროს პროგრესის გზით. პარლამენტში ვაპირებ ინიცირება გავუკეთო კანონპროექტს ლუსტრაციის შესახებ — მივმართავ კოლეგა დეპუტატებს შემომიერთდნენ და ერთად გადავდგათ ეს ნაბიჯი", — აღნიშნავს კობერიძე.