დღეს, 7 ნოემბერს, 11 წლის წინ თბილისში მომხდარი მოვლენების გასაპროტესტებლად რამდენიმე ასეულმა ადამიანმა აქცია გამართა. პროტესტი რუსთაველის თეატრში დღის 2 საათზე დაიწყო, სახელწოდებით "მე ვიცავ თავისუფლებას". შემდეგ ხალხმა ოპერის შენობის წინ გადაინაცვლა. დემონსტრანტებს ეჭირათ ბანერები წარწერით "არა ნაციზმს".

აქციის მონაწილეები აცხადებდნენ, რომ არ უნდა დაუშვან ერთიანი ნაციონალური მოძრაობის ხელისუფლებაში დაბრუნება. მათ ოპერიდან თავისუფლების მოედნის მიმართულებით მსვლელობა მოაწყვეს, დიდ ბანერზე კი ეწერა ფრაზა: "ბილწთ არ შავეკვრი ზავითა".

ისინი პარლამენტის წინ, სადაც შვილმოკლული მამების პროტესტი გრძელდება, რამდენიმე წუთს გაჩერდნენ და წუთიერი დუმილით მიაგეს პატივი გარდაცვლილებს.

ფოტო: გიორგი შეყელაძე / On.ge

ფოტო: გიორგი შეყელაძე / On.ge

ფოტო: გიორგი შეყელაძე / On.ge

ფოტო: გიორგი შეყელაძე / On.ge