სამართლიანი არჩევნებისა და დემოკრატიის საერთაშორისო საზოგადოება პარალელური დათვლის (PVT) შედეგებს ავრცელებს.

ფოტო: სამართლიანი არჩევნებისა და დემოკრატიის საერთაშორისო საზოგადოება

ხმების პარალელური დათვლის (PVT) შედეგებით საპრეზიდენტო არჩევნების მეორე ტური უნდა გაიმართოს, ხოლო მეორე ტური გაიმართება გრიგოლ ვაშაძესა და სალომე ზურაბიშვილს შორის.

გრიგოლ ვაშაძის მიერ მიღებული ხმების პროცენტული მაჩვენებელი მერყეობს 37,5%-სა და 39,5%-ს შორის, ხოლო სალომე ზურაბიშვილის მიერ მიღებული ხმების პროცენტული მაჩვენებელი — 36,7%-სა და 38,5% ინტერვალშია. სტატისტიკურად, თანაბარი ალბათობით არის შესაძლებელი, რომ შედეგი იყოს ინტერვალის ნებისმიერ წერტილში.

სამართლიანი არჩევნების ინფორმაციით, ბათილად ცნობილი ბიულეტენთა პროცენტული მაჩვენებელი ქვეყნის მასშტაბით შეადგენს 3,2% (+/- 0.2%-ანი სანდოობის ინტერვალით). ეს მაჩვენებელი უფრო მაღალია 2013 წლის საპრეზიდენტო მონაცემთან შედარებით (1,8%).

ამავე თემაზე: