დღეს, 28 ოქტომბერს საპრეზიდენტო არჩევნების მიმდინარეობისას, ცენტრალურ საარჩევნო კომისიაში, სხვადასხვა პოლიტიკური პარტიებისა და არასამთავრობო ორგანიზაციების მხრიდან 17 საათის მონაცემებით, 196 საჩივარი შევიდა. საჩივრების რაოდენობა ცესკოს ვებგვერდზე ყოველ წუთს იზრდება.

ორგანიზაცია სამართლიანმა არჩევნებმა ცესკოს 30 საჩივრით, ახალგაზრდა იურისტთა ასოციაციამ კი 39 საჩივრით მიმართა. ოპოზიციური პარტიებიდან, ცესკოს ერთიანმა ნაციონალურმა მოძრაობამ 44, ევროპულმა საქართველომ კი 5 საჩივრით მიმართა.

ცენტრალური საარჩევნო კომისიის ინფორმაციით, არჩევნები 3 703 უბანზე ტარდება. მათ შორის 55 საზღვარგარეთ, 11 კი საგამონაკლისო წესით შექმნილი უბანია.