ადამიანის უფლებათა ცენტრის ცნობით, მარნეულში არჩევნებზე მისულმა პირმა სხვის გრაფაში მოაწერა ხელი, დარღვევაზე მითითების შემდეგ კი უბნიდან გაიქცა და კენჭისყრაში მონაწილეობა არ მიუღია. უფლებათა ცენტრის ინფორმაციით, რეგისტრატორმა უარი განაცხადა აღენიშნა, რომ ხელმოწერა არაუფლებამოსილ პირს ეკუთვნოდა. აღნიშნული დარღვევა მარნეულის 22-ე ოლქში, თაზაკენდის მე-13 უბანზე მოხდა.

ორგანიზაციის დამკვირვებლები საპრეზიდენტო არჩევნებს კახეთის, შიდა ქართლისა და ქვემო ქართულის რეგიონებში აკვირდებიან. მათი ინფორმაციით, 14:30 საათისთვის ზემოაღნიშნული საჩივარი და რამდენიმე შენიშვნაა ჩანაწერთა წიგნში დაფიქსირებული.

ადამიანის უფლებათა ცენტრის ცნობით, ხშირია შემთხვევები, როცა კომისია ხარვეზებს დამკვირვებელთა შენიშვნების შემდეგ ასწორებს, რაც არაპროფესიონალიზმითაა გამოწვეული. ორგანიზაცია წერს, რომ საარჩევნო უბნებთან კოორდინატორებისა და აგიტატორების გადამეტებული აქტიურობა კვლავ შემაშფოთებელ ტენდენციად რჩება.

ბოლო სიახლეები: საპრეზიდენტო არჩევნები 2018.