საჩხერის მუნიციპალიტეტის გამგეობა აცხადებს, რომ საქართველოს მთავრობის 21 ივლისის დადგენილებით, ლაშა ტალახაძე ოქროს მედლის მოპოვებისთვის 170 ათასი ლარით დაჯილდოვდება. ამავე დადგენილების თანახმად, ვერცხლის მედლის მფლობელი - 102 ათასს, ბრინჯაოს მფლობელი კი 68 ათას ლარს მიიღებს.

ამასთანავე, ოლიმპიადაზე წასვლამდე 2016 წლის განმავლობაში მსოფლიოსა და ევროპის ჩემპიონატებზე მიღწეული წარმატებებისთვის ჯამში სპორტსმენებმა ჯილდოდ 3 800 000 ლარი მიიღეს.

ამ დროისათვის საქართველოს ოლიმპიურ ნაკრებს სულ 5 მედალი აქვს მოპოვებული.

  • 1 ოქრო - ლაშა ტალახაძე
  • 1 ვერცხლი - ვარლამ ლიპარტელიანი
  • 3 ბრინჯაო - ლაშა შავდათუაშვილი, შმაგი ბოლქვაძე, ირაკლი თურმანიძე

გარდა ამისა, ლაშა ტალახაძეს, ირაკლი თურმანიძეს და შმაგი ბოლქვაძეს კომპანია სვეტი ბათუმში ბინებს გადასცემს. გადაწყვეტილება კომპანიამ ტალახაძის შემთვევაში ოქროს მედლის გამო, თურმანიძის და ბოლქვაძის შემთხვევაში კი ოლიმპიადაზე აჭარის ლიცენზიანტობის გამო მიიღო.