ლონდონში ათასობით ადამიანი ქუჩაში გამოვიდა და საპროტესტო აქციას People's Vote-ს (ხალხის ხმა) მართავს. აქციის მონაწილეები ბრექსიტის ახალი რეფერენდუმის ჩატარებას ითხოვენ. ლონდონში სამოქალაქო მარშს უკვე შეარქვეს მილიონიანი მარში. აქციაში მონაწილეობას იღებს ლონდონის მერიც.

პოლიცია დემონსტრანტების ზუსტ რიცხვს ვერ ასახელებს. დიდი ბრიტანეთის პრემიერ-მინისტრს, ტერეზა მეის არაერთხელ უთქვამს, რომ ბრექსიტის საკითხზე ახალი რეფერენდუმი არ ჩატარდება

2016 წლის რეფერენდუმის მიხედვით, ბრიტანელების 51,89 პროცენტმა ევროკავშირიდან დატოვებას მხარი დაუჭირა. დიდმა ბრიტანეთმა კავშირი საბოლოოდ 2019 წლის 29 მარტს უნდა დატოვოს.

ამ ეტაპისთვის დიდ ბრიტანეთსა და ევროკავშირს ბრექსიტის გეგმა შეთანხმებული არ აქვს. პრემიერ-მინისტრის, ტერეზა მეის გეგმის მთავარი არსია, რომ ბრექსიტის შემდეგ ევროკავშირმა და დიდმა ბრიტანეთმა საერთო სავაჭრო წესებს მიაღწიონ.

ცალკე საკითხად დგას ევროკავშირის წევრის, ირლანდიისა და დიდ ბრიტანეთში შემავალი ჩრდილოეთ ბრიტანეთის საზღვრის საკითხი. ამ ეტაპზე საზღვარი სრულიად ღიაა. ევროკავშირი სთავაზობს დიდ ბრიტანეთს, რომ ჩრდილოეთ ირლანდია დატოვოს საერთო ეკონომიკურ სფეროში ირლანდიასთან ერთად, რითაც მკაცრ სასაზღვრო კონტროლს აიცილებს თავიდან. ამ გეგმას არ იზიარებს დიდი ბრიტანეთი.

ფოტო: AP

ფოტო: Richard Isaac / REX / Shutterstock

ფოტო: Andy Hall for the Observer

ფოტო: Antonio Olmos for the Observer

ფოტო: Vickie Flores / EPA