თბილისის საქალაქო სასამართლო დამნაშავედ სცნო სამი პირი, რომლებმაც 52 მოქალაქისგან 2 186 031,09 ლარი თაღლითურად მიისაკუთრა.

პროკურატურის განმარტებით, ერთ-ერთმა ბრალდებულმა 2016 წლის აპრილიდან 2017 წლის თებერვლამდე დიდი თანხის სანაცვლოდ 52 მოქალაქესთან სესხისა და იპოთეკის ხელშეკრულებები გააფორმა.

განცხადების მიხედვით, ბრალდებულმა ორ შუამავალთან ერთად დაზარალებულები დაარწმუნა, რომ იპოთეკით ის ბინები უნდა დაერტვითათ, რომელთა მშენებლობაც თითქმის დასრულებული იყო, სინამდვილეში კი იპოთეკით დატვირთა მის საკუთრებაში არსებული თბილისში მდებარე მშენებარე კორპუსის ბინები. სამივე ბრალდებული თაღლითური გზით დაეუფლა 2 186 031,09 ლარს და პირადი მიზნებისთვის გამოიყა.

სამიდან ორ ბრალდებულს 51 ეპიზოდზე ბრალდება საქართველოს სისხლის სამართლის კოდექსის 180-ე მუხლის მე-2 ნაწილის "ა" და მე-3 ნაწილის "ბ" ქვეპუნქტებით (თაღლითობა, ჯგუფურად, დიდი ოდენობით) და ერთ ეპიზოდზე 180-ე მუხლის მე-2 ნაწილის "ა" და "ბ" ქვეპუნქტებით (თაღლითობა, ჯგუფურად, რამაც მნიშვნელოვანი ზიანი გამოიწვია) წარედგინათ. ხოლო მესამე პირს 13 ეპიზოდზე 180-ე მუხლის მე-2 ნაწილის "ა" და "ბ" ქვეპუნქტებით წარედგინა ბრალდება.

თბილისის საქალაქო სასამართლომ სამიდან ორ ბრალდებულს შვიდწლიანი, ხოლო ერთს ექვსწლიანი პატიმრობა მიუსაჯა.