ოსკაროსანმა ემა სთოუნმა ბოლო ინტერვიუს დროს გულწრფელად ისაუბრა თავისი ემოციურ მდგომარეობის შესახებ.

მსახიობმა თქვა, რომ 7 წლის ასაკიდან პანიკურ შეტევებს ებრძვის.

"გულწრფელად რომ ვთქვა, შეტევები ახლაც მაქვს და ვცდილობ გავუმკლავდე", - ამბობს სტოუნი.

ლა ლა ლენდის ვარსკვლავმა გაიხსენა ისიც, თუ როდის დაემართა პირველად პანიკური შეტევა.

"ეს ყველაფერი მაშინ დაიწყო, როცა შვიდი წლის ვიყავი. მეგობრის სახლში მომეჩვენა, რომ სახლში ხანძარი იყო, იქიდან გამოსვლა მინდოდა, თუმცა ამას ვერ ვახერხებდი და ვგრძნობდი რომ ყველა მოვკვდებოდით", - იხსენებს ემა.

ოსკაროსანმა მსახიობმა რამდენიმე წლის წინ ფსიქოთერაპევტთანაც დაიწყო სიარული, რომელმაც შფოთვითი აშლილობის დიაგნოზი დაუსვეს.

"ჩემმა პროფესიმ მომცა საშუალება ძლიერი ემოციებისა და გრძნობების გადმოცემისთვის. მუშაობის პროცესში მე უკვე მეხმარებოდა ის, რაც აქამდე მაშინებდა", - ყვება ემა.