მოსაწყენმა და არაფრით გამორჩეულმა ჰელოუინმა დაგღალათ?! მაშინ გაგახარებთ და გეტყვით, რომ აშშ-ში, მისურის შტატის ერთ-ერთი გასართობი პარკი, სრულიად ახალ შესაძლებლობას გთავაზობთ.

საქმე ის არის, რომ გასართობი პარკი Six Flags სტუმრებს, რომლებიც 13 ოქტომბრის შემდეგ, 30 საათს კუბოში გაატარებენ, არც მეტი არც ნაკლები, $300 დოლარით დაასაჩუქრებს.

დიახ, თუ ფიქრობთ, რომ ცოტაოდენი ფულის გამომუშავება არ გაწყენთ და ერთფეროვანი ჰელოუინიც მოგბეზრდათ, ერთი დღის კუბოში გატარებაზე დაფიქრებაც შეიძლება.

ამ უცნაურ შეჯიბრში ჩასაბმელად კი საჭიროა, რომ გარკვეულ კრიტერიუმებს აკმაყოფილებდეთ. მაგალითად, კუბოში არ ჩაგაწვენენ, თუ სრულწლოვანი არ ხართ, ან ყოველდღიურად იღებთ წამლებს, რომლებიც თქვენი ჯანმრთელობისთვის აუცილებელია.

ფოტო: giphy

ამ გიჟური და საკმაოდ საშიში გამოწვევის მიღება თუ მაინც გადაწყვიტეთ და ყველა კრიტერიუმსაც აკმაყოფილებთ, ისღა დაგვრჩენია წარმატება და ბედნიერი ჰელოუინი გისურვოთ.