ტერაბანკი ველოსიპედის მოყვარულებს კიდევ ერთ ახალ ინიციატივას - ველოგაკვეთილებს სთავაზობს. ყველას, ვისაც ველოსიპედით სიარული და ტარების შესწავლა სურს, ამიერიდან ტერაბანკის მიერ ორგანიზებულ ველოგაკვეთილებზე დასწრება უფასოდ შეუძლიათ.

ინიციატივა ტერაბანკის საზაფხულო კამპანიის ტერა ბაიკის გაგრძელებაა. როგორც ბანკში აცხადებენ, ტერა ბაიკის მიმდინარეობისას აღმოჩნდა, რომ ველოსიპედით სიარული და კამპანიაში ჩართვა ბევრ ადამიანს სურდა, თუმცა ტერა ბაიკერი მხოლოდ იმიტომ ვერ გახდა, რომ ველოსიპედის ტარება არ იცოდა. სწორედ ამიტომ, ტერაბანკმა ამჯერად სწორედ მათი მხარდაჭერა გადაწყვიტა.

„ველომოყვარულებსა და ჯანსაღი ცხოვრების წესის პოპულარიზაციაზე ზრუნვას კვლავაც ვაგრძელებთ და გვსურს, უფასო გაკვეთილების შეთავაზებით ის ადამიანები წავახალისოთ, რომლებსაც ველოსიპედის ტარების შესწავლა სურთ“, - აღნიშნავს ტერაბანკის მარკეტინგისა და საზოგადოებასთან ურთიერთობის დეპარტამენტის ხელმძღვანელი სალომე ქოქოსაძე.

ტერაბანკის საზაფხულო კამპანია ტერა ბაიკი, რომელიც მიზნად ველოსიპედით სიარულისა და ჯანსაღი ცხოვრების წესის მხარდაჭერას ისახავდა, 12 ივნისიდან 15 აგვისტოს აგვისტომდე, თბილისში მიმდინარეობდა. მის ფარგლებში კი, ბანკის არსებულ თუ ახალ მომხმარებლებს ტერაბანკის ველოსიპედებით სარგებლობა სრულიად უფასოდ შეეძლოთ. ზაფხულის განმავლობაში, ტერაბანკის 5 ფილიალთან სპეციალური ველოსადგომები იყო მოწყობილი. სადგომიდან ველოსიპედის გასაყვანად კი მსურველებს მხოლოდ ტერა ბაიკის ბარათი სჭირდებოდათ, რომელსაც ისინი ასევე უფასოდ იღებდნენ.

რაც შეეხება უფასო ველოგაკვეთილებს, ისინი შაბათსა და კვირას, ვაკის პარკში, 12 საათიდან 15:30 საათამდე, პროფესიონალი ინსტრუქტორის მიერ ჩატარდება. მსურველებს დასასწრებად მხოლოდ სპეციალური სარეგისტრაციო ფორმის შევსება დასჭირდებათ. გაკვეთილები 12:00 და 14:00 საათზე დაიწყება.