ბათუმში ავარიის შედეგად ორ წლამდე ბავშვი გარდაიცვალა, ხოლო სამი პირი დაშავდა. როგორც შინაგან საქმეთა სამინისტროში On.ge-ს უთხრეს, მსუბუქი ავტომანქანა გაჩერებულ სატვირთოს დაეჯახა.

გამოძიება სისხლის სამართლის კოდექსის 276-ე მუხლის მეხუთე ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს. დანაშაული ისჯება თავისუფლების აღკვეთით ვადით ოთხიდან შვიდ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე.