შსს-ს ცნობით, ანაკლიაში, ელექტრონული მუსიკის ფესტივალის მიმდინარეობისას ნარკოტიკების რეალიზაციის ბრალდებით 7 პირი დააკავეს.

უწყების ცნობით, დაკავებულების სახლში ნარკოტიკები ნივთმტკიცებად ამოიღეს.

შსს ასევე აცხადებს, რომ სოფელ განმუხურში, ნარკოტიკების შეძენა-შენახვის ბრალდებით 15 პირი დააკავეს. ხოლო, თბილისის საერთაშორისო აეროპორტში, ნარკოდანაშაულის ბრალდებით დაკავებულია უკრაინის მოქალაქე. შსს-ს მტკიცებით, მისი ჩხრეკისას ამოღებულია ნარკოტიკული და ფსიქოტროპული ნივთიერებები: კოკაინი, კეტამინი და ამფეტამინი.

შინაგან საქმეთა სამინისტროს ცნობით, აჭარაში სამართალდამცველებმა 1994 წელს დაბადებული პირი 91 აბი "სუბოქსინისა" და 5 შეკვრად დაფასოებული "ჰეროინის" შეძენა-შენახვის ბრალდებით დააკავეს.

ასევე, ნარკოდანაშაულისათვის დაკავებულია კიდევ 2 მოქალაქე. შსს-ს ცნობით, ორივე მათგანისგან ამოღებულია 8 შეკვრა სხვადასხვა ნარკოტიკული საშუალება: 700 გრამამდე "ჰეროინი".

გლდანი-ნაძალადევის პოლიციის სამმართველოს თანამშრომლებმა ნარკოტიკების უკანონო შეძენა-შენახვის ბრალდებით, თბილისში დაკავებულია 2 პირი. შსს-ს მტკიცებით, ამოღებულია დიდი ოდენობით სინთეტიკური ნარკოტიკები: 25 აბი „ექსტაზი“, ასევე, „ამფეტამინი“, „მდმა“ და "LSD".

ფონიჭალაში ნარკოტიკული საშუალების გასაღების ბრალდებით დაკავებულია ერთი პირი. შსს-ს ცნობით, პოლიციამ დაკავებულისგან ნარკოტიკული საშუალება "ჰეროინი" საკონტროლოდ შეისყიდა.