ხილ-ბოსტნეულზე ფასების ზრდის გამო სომხეთის პრემიერ-მინისტრი ნიკოლ პაშინიანი ერევანში გუმის ბაზრობას ეწვია. როგორც პრემიერმა რადიო თავისუფლების სომხურ ბიუროს განუცხადა, მას ხმები მიუვიდა გუმის ბაზრობაზე ფასების ზრდის შესახებ.

"გუმის ბაზრობაზე მოვედი, რათა გამეგო სოფლის მეურნეობის პროდუქციის ფასებს რა მოსდით. არსებობს საგანგაშო სიგნალები, რომ ბაზრობაზე მაღალი ფასებია, მინდოდა ამაში დავრწმუნებულიყავი და მიზეზი გამეგო. მაგალითად, გავიგე, რომ სეზონური ბოსტნეულის, პომიდვრის, კიტრის, ბადრიჯნის ფასები უცნაურად მაღალია", - განაცხადა პაშინიანმა.

ერთ-ერთმა მოვაჭრემ კი განაცხადა, რომ მოსახლეობა პროდუქტებს მარკეტებში ყიდულობს, რის გამოც საქონელი უფუჭდებათ.

"ბევრი საქონლის გადაყრა გვიწევს, ამიტომაც ვზრდით ფასებს, რათა დიდი დანაკარგი არ განვიცადოთ".