ბათუმში, აეროპორტის გზატკეცილზე მომხდარი ავარიის შედეგად ცხრა ადამიანი დაშავდა. ინფორმაცია On.ge-ს შინაგან საქმეთა სამინისტრომ დაუდასტურა.

შსს-ს ინფორმაციით, შემთხვევა 22 აგვისტოს, დილით მოხდა. გზატკეცილზე ავტობუსი გაჩერებულ სატვირთო მანქანას შეეჯახა. აჭარის სასწრაფო სამედიცინო დახმარების ცენტრმა On.ge-ს უთხრა, რომ დაშავებულები კლინიკებში გადაიყვანეს.

შსს-ს ცნობით, გამოძიება საქმეზე საქართველოს სისხლის სამართლის კოდექსის 276-ე მუხლის პირველი ნაწილითაა დაწყებული. აღიშნული მუხლი ითვალისწინებს სატრანსპორტო საშუალების მოძრაობის უსაფრთხოების დარღვევას, რამაც ჯანმრთელობის ნაკლებად მძიმე დაზიანება გამოიწვია. ისჯება ჯარიმით ან შინაპატიმრობით ვადით ექვსი თვიდან ორ წლამდე ანდა თავისუფლების აღკვეთით ვადით სამ წლამდე.