ინდოეთში, შტატ კერალაში წყალდიდობის შედეგად დაღუპულთა რიცხვი 164-ს აჭარბებს. BBC-ის ინფორმაციით, სტიქიის შედეგად უსახლკაროდ 223 ათასამდე ადამიანია დარჩენილი.

წყალდიდობა მუსონურმა წვიმებმა გამოიწვია. ტერიტორიაზე უხვნალექიანობას შემდეგ დღეებშიც ვარაუდობენ და შტატში საგანგებო სიტუაციაა გამოცხადებული. მთავარი აეროპორტი სტიქიის გამო 26 აგვისტომდეა დახურული.

შტატის პრემიერ-მინისტრის თქმით, დღევანდელი, 17 აგვისტოს მონაცემებით, გარდაცვლილთა ზუსტი რიცხვი 164-ია. შტატის მთავრობის განცხადებით, გარდაცვლილთა დიდი ნაწილი მეწყრის შედეგად ჩამოტანილი ნარჩენების ქვეშ მოჰყვა. მთავრობა მცხოვრებლებს აფრთხილებს, რომ საევაკუაციო ბრძანებებს დაემორჩილონ.

16 აგვისტოს მონაცემებით, სტიქიის რიცხვი 73 ადამიანს აჭარბებდა, უსახლკაროთა რიცხვი კი 85 ათასს. პრემიერ-მინისტრის თქმით, კერალაში მსგავსი მდგომარეობა აქამდე არასდროს ყოფილა.