იუტაში კაცი მას შემდეგ გარდაიცვალა, რაც საკუთარ სახლს Cessna 535 citation ტიპის თვითმფრინავით შეეჯახა. სახლში მისი ცოლი და შვილი იმყოფებოდნენ. შემთხვევამდე რამდენიმე საათით ადრე ის პოლიციამ ოჯახური ძალადობის ბრალდებით დააკავა.

როგორც სოლტ ლეიქ სითის პოლიცია ამბობს, ამ სახლის მისამართზე კვირა ღამეს გაემართნენ.

"მეზობლებმა დაგვირეკეს, რადგან შეესწრნენ, როგორ ურტყამდა დუეინ ოუდი ცოლს", - აცხადებს პოლიციის წარმომადგენელი.

ოუდმა პოლიციის განყოფილება ორშაბათს დილით გირაოს გადახდის შემდეგ დატოვა. მან ნებართვა ითხოვა სახლში შესავლელად, რათა ტანსაცმელი და ნივთები აეღო. პოლიციამ ის სახლამდე ესკორტით მიაცილა. ცოტა ხნის შემდეგ ის სახლიდან გამოვიდა და საკუთარი მანქანაში ჩაჯდა. ამის შემდეგ კი, როგორც ჩანს, თვითმფრინავის წამოსაყვანად გაემართა.

ოუდი პროფესიონალი პილოტი იყო. თვითმფრინავი კი იმ სამშენებლო კომპანიას ეკუთვნოდა, რომელშიც ის მუშაობდა. მისი ცოლი და შვილი სახლში იმყოფებოდნენ, თუმცა მათ გაქცევა შეძლეს.