ამერიკის შეერთებული შტატების საელჩო რუსეთ-საქართველოს ომის 10 წლისთავს გამოეხმაურა და საქართველოს მხარდაჭერა გამოუცხადა. მათ განცხადებაში ნათქვამია, რომ ათწლიანი ოკუპაციის საკითხზე საელჩო მუშაობას გააგრძელებს.

"ჩვენ გავაგრძელებთ მუშაობას საქართველოს მთავრობასა და ხალხთან, ასევე, ჩვენს მეგობრებთან და მოკავშირეებთან, რათა ერთად უზრუნველვყოთ მსოფლიოს უწყვეტი მხარდაჭერა საქართველოს სუვერენიტეტისა და ტერიტორიული მთლიანობის მიმართ მის საერთაშორისოდ აღიარებულ საზღვრებში", - წერს აშშ-ის საელჩო.

მათივე თქმით, ათი წლის წინ საქართველოს ტერიტორიაზე რუსეთის შეჭრამ ოკუპირებულ ტერიტორიებს წაართვა იმის შესაძლებლობა, რომ ქვეყნის პოლიტიკური და ეკონომიკური პროგრესის ნაწილი გამხდარიყვნენ.

"საქართველო, ჩვენ თქვენ გვერდით ვართ", - წერს საელჩო განცხადების ბოლოს.