რამდენიმედღიანი გატაცების შემდეგ, სირიელი გეი მამაკაცი სტამბოლში გაუპატიურებული და მოკლული იპოვეს. ინფორმაციას ადგილობრივ მედიაზე დაყრდნობით Pink News ავრცელებს.

მსხვერპლი, ვისამ სანკარი, სირიელი ლტოლვილი იყო. ის იმდენად დასახიჩრებული იყო, რომ მეგობრებმა მისი ამოცნობა მხოლოდ შარვლით შეძლეს. სტამბოლში სამოქალაქო ომს გამოქცეული ლტოლვილს მრავლობით ჭრილობებთან ერთად, თავიც ჰქონდა მოკვეთილი.

ლოკალური მედიის თქმით, სანკარი ადრეც მოუტაცებია და გაუუპატიურებია კაცების ჯგუფს, ამიტომ ის ცდილობდა დაეტოვებინა თურქეთი, რადგან მისი სიცოცხლეს იქ საფრთხე ემუქრებოდა.

დაახლოებით 5 თვის წინ, ვისამი მოიტაცეს, ტყეში წაიყვანეს, სცემეს და გააუპატიურეს

მოკლული ლტოლვილის მეგობარი

სანკარის მკვლელობის შემდეგ მისმა მეგობრებმა სამართალდამცველებს მიმართეს, თუმცა დანაშაულს არანაირი ქმედება ამ დრომდე არ მოჰყოლია.

სანკარი და მისი მეგობრები არაერთხელ ყოფილან მუქარისა და გაუპატიურების მსხვერპლნი. ისინი იხსენებნ:

"ადრე სხვა სახლში ვცხოვრობდით. მხოლოდ იმიტომ დაგვატოვებინეს, რომ გეები ვართ. ხალხი მუდმივად გვაშტერდებოდა. არაფერი გაგვიკეთებია ამორალური. დაახლოებით 5 თვის წინ ვისამი მოიტაცეს, ტყეში წაიყვანეს, სცემეს და გააუპატიურეს. მის მოკვლასაც აპირებდნენ, თუმცა ვისამმა გაქცევა მოახერხა. ამის გამო პოლიციას მივმართეთ, თუმცა - უშედეგოდ".

"მისი შარვლით ამოვიცანით", - ამბობს რაიანი და აკრიტიკებს გაეროსა და მიგრანტთა ორგანიზაციებს, რომ მეტს არ აკეთებენ ლგბტ ადამიანების დასაცავად:

"ახლა რა აზრი აქვს მათი მხრიდან რაიმეს გაკეთებას, ვისამი მკვდარია. ჩვენი მეგობარი მკვდარია."

2011 წელს სირიაში სამოქალაქო ომის დაწყების შემდეგ, ქვეყანა მილიონობით ადამიანმა დატოვა. სირიის ნაწილს ბაშარ ალ ასადის რეჟიმი აკონტროლებს, ნაწილს - ამბოხებულები, ნაწილს კი - ტერორისტული ორგანიზაცია ისლამური სახელმწიფო. სირიის ტერიტორიაზე ტერორისტების მხრიდან განსაკუთრებით სასტიკი შურისძიების მსხვერპლნი, ძირითადად, არამუსლიმები და ლგბტ პირები ხდებიან.