საქართველოს მოსახლეობის 74 პროცენტი მარიხუანის საქართველოში ლეგალიზებას ეწინააღმდეგება. თუმცა საქართველოს საკონსტიტუციო სასამართლომ მარიხუანის მოხმარებაზე 30 ივლისს სანქცია არაკონსტიტუციურად მიიჩნია.

ეროვნულ-დემოკრატიული ინსტიტუტის კვლევამ, რომლის პრეზენტაციაც ამ წუთებში მიმდინარეობს აჩვენა, რომ მარიხუანის ლეგალიზების მომხრე მოსახლეობის 18 პროცენტია, დარჩენილი 6 პროცენტი კი პასუხობს, რომ "არ იცის".

NDI-ის დაკვეთით კვლევის საველე სამუშაოები 2018 წლის 23 ივნისიდან 8 ივლისამდე პერიოდში ჩატარდა. საქართველოს მასშტაბით პირისპირ ინტერვიუსთვის 2 409 ადამიანი წარმომადგენლობითი შერჩევის საფუძველზე, ქვეყნის ქართულ, სომხურ და აზერბაიჯანულენოვან მოსახლეობას შორის შეირჩა, საიდანაც გამოპასუხება 49 პროცენტია, ცდომილება კი - 1,9 პროცენტი.

კვლევა, რომელიც დიდი ბრიტანეთის მთავრობის UK aid-ის ფინანსური ხელშეწყობით ჩატარდა, საველე სამუშაოები CRRC საქართველომ შეასრულა. მოსახლეობა არ გამოკითხულა საქართველოს ოკუპირებულ ტერიტორიებზე.